Як паведаміла Расейская служба Радыё Свабода з спасылкай на «Расавіяцыю», 88 рэйсаў перанакіравалі на запасныя аэрадромы.
Абмежаваньні найперш закранулі маскоўскі аэрапорт Шарамецьева, пецярбурскі Пулкава і Чкалаў у Ніжнім Ноўгарадзе.
Цягам дня 7 ліпеня аэрапорты вярнуліся да нармальнай дзейнасьці. Аднак, нягледзячы на заявы аб стабілізацыі, рэйсы яшчэ затрымліваліся.
Відавочцы сьцьвярджаюць, што ў аэрапорце шмат пасажыраў чакаюць вылету.
У Пулкаве затрымалі больш за сотню рэйсаў, яшчэ восем скасавалі. Аэрапорт плянуе стабілізаваць расклад да канца дня 7 ліпеня з частковым пераносам рэйсаў на аўторак.
Парушэньні графіку палётаў зафіксавалі таксама ў Чэлябінску і Екацерынбургу.
Паводле ацэнак крыніц выданьня «Коммерсант», у галіне агульная шкода ад каляпсу можа дасягнуць 20 мільярдаў рублёў (больш за 250 мільёнаў даляраў у эквіваленце. — РС).
Як вынікае з сайту менскага аэрапорту, расейская кампанія «Аэрофлот» скасавала 7 ліпеня два рэйсы зь Менску ў Маскву і два ў зваротным кірунку.
ГЛЯДЗІЦЕ ТАКСАМА: У Расеі праз атакі дронаў масава скасоўваюць авіярэйсы, затрымкі закранулі і менскі аэрапорт